فرمان الہی
نماز کے اوقات
لاہور(ٹی وی رپورٹ‘ایجنسیاں)پنجاب اسمبلی کی 20 نشستوں پرہونیوالے ضمنی انتخابات میں عمران خان کی تحریک انصاف نے میدان مارلیا‘ 15نشستوں پر کامیابی حاصل کرلی جبکہ آزاد امیدوارنے ایک جبکہ مسلم لیگ (ن)نے چار سیٹیں جیت لیں ۔ پنجاب کے 14 اضلاع کی 20 نشستوں پر پولنگ صبح 8 بجے سے شام 5 بجے تک بغیر کسی وقفے سے جاری رہی۔غیرسرکاری و غیر حتمی نتائج کے مطابق تحریک انصاف لاہورکی چارمیں سے تین سیٹیں لے اڑیں جبکہ جھنگ کی 2، فیصل آباد، بھکر، مظفر گڑھ، شیخوپورہ، ملتان، ساہیوال، خوشاب، لودھراں، لیہ اور ڈیرہ غازی خان کی نشستیں جیت لی ہیں جبکہ ن لیگ نے لاہور، بہاولنگر ‘راولپنڈی اور مظفر گڑھ سے ایک ایک سیٹ حاصل کی ہے۔پی پی 288ڈیرہ غازی خان میں تحریک انصاف کے سردار محمدسیف الدین کھوسہ 58885 ووٹ لےکر کامیاب ہوگئے۔ملتان میں پنجاب اسمبلی کے حلقے پی پی 217 میں سابق وزیر خارجہ شاہ محمود قریشی کے بیٹے زین قریشی نے میدان مار لیا۔خوشاب کے حلقے پی پی 83 سے تحریک انصاف کے ملک حسن اسلم خان 48475 ووٹ لے کر جیت گئے۔پی پی 90 بھکر 2 سے پی ٹی آئی کے عرفان اللہ خان نیازی 77865 ووٹ لے کر جیت گئے ۔پی پی 97 فیصل آباد سے پی ٹی آئی کے علی افضل ساہی 64865 ووٹ لے کر کامیاب ہوئے۔پی پی 125 جھنگ میں تحریک انصاف کے میاں محمد اعظم 82382 ووٹ لے کر فاتح ٹھہرے۔پی پی 127 جھنگ سے پی ٹی آئی کے مہر محمد نواز 71248 ووٹ لے کر کامیاب ہوئے۔پی پی 140شیخورہ کی سیٹ بھی تحریک انصاف کوملی جہاں سے خرم شہزاد ورک 50166 ووٹ لے کر جیتے۔پی پی 202 ساہیوال میں پی ٹی آئی کے میجر (ر) محمد غلام سرور نے ن لیگ کے نعمان لنگڑیال کو ہراکر اپ سیٹ کردیا ۔پی پی 224 لودھراں میں تحریک انصاف کے محمد عامر اقبال شاہ 69881 ووٹ لے کرجیت گئے ۔پی پی 272مظفرگڑھ کی سیٹ بھی پی ٹی آئی لے اڑی ‘محمد معظم علی خان 46069 ووٹ لے کامیاب ہوئے۔پی پی 282 لیہ کے 130 تمام پولنگ اسٹیشنز کے غیر سرکاری و غیر حتمی نتیجے کے تحت تحریک انصاف کے قیصر عباس خان 43922 ووٹ لے کر کامیاب ہوئے جبکہ پاکستان مسلم لیگ ن کے محمد طاہر رندھاوا نے 29726 ووٹ حاصل کیے۔پی پی 7راولپنڈی سے ن لیگ کے راجہ صغیر احمد 68906ووٹ لیکر کامیاب قرارپائے جبکہ پی ٹی آئی کے شبیراعوان 68857ووٹ لیکر دوسرے نمبر پر رہے ۔لاہور کی 4 نشستوں میں سے ایک سیٹ ن لیگ کے نام رہی اور ملک اسد علی کھوکھر نے پی پی 168 میں کامیابی حاصل کی۔پی پی 168 کے مکمل 96 پولنگ اسٹیشنز کے غیر حتمی و غیر سرکاری نتائج کے مطابق ملک اسد کھوکھر نے 26169 ووٹ لیے جبکہ پاکستان تحریک انصاف کے محمد نواز اعوان نے 15767 ووٹ لیکر دوسرے نمبر پر رہے۔پی پی 237 بہاولنگر کے تمام 160 پولنگ اسٹیشنز کے غیر سرکاری وغیر حتمی نتیجے کے مطابق پاکستان مسلم لیگ ن کے فدا حسین کامیاب قرار پائے ہیں اور انہوں نے 66398 ووٹ لیے جبکہ پاکستان تحریک انصاف کے سید آفتاب رضا نے 31094 ووٹ لیکر دوسرے نمبر رہے۔اس کے علاوہ پی پی 273 مظفر گڑھ سے بھی ن لیگ نے کامیابی حاصل کی۔ حلقے کے تمام 147 پولنگ اسٹیشنز کے غیر سرکاری و غیرحتمی نتیجے کے مطابق پاکستان مسلم لیگ ن کے محمد سبطین رضا نے 52631 ووٹ لیے جبکہ تحریک انصاف کے یاسر عرفات خان نے 46903 ووٹ لیکر دوسرے نمبر پر رہے۔
