فرمان الہی
نماز کے اوقات
کراچی(اسٹاف رپورٹر)بنگلہ دیش کرکٹ ٹیم کے اوپنر اور ون ڈے کپتان تمیم اقبال نے ٹی 20 انٹرنیشنل کرکٹ سے ریٹائرمنٹ کا اعلان کردیا۔اتوار کوبائیں ہاتھ کے اوپنر تمیم اقبال نے سوشل میڈیا پیغام میں ٹی 20 سے ریٹائرمنٹ کا اعلان کیا سوشل میڈیا پیغام میں لکھا کہ آج سے مجھے ٹی20 کرکٹ سے ریٹائر مانا جائے، میں سب کا شکر گزار ہوں۔انہوں نے ویسٹ انڈیز کے خلاف ون ڈے سیریز 3 صفر سے جیتنے کے بعد ٹی 20 سے ریٹائرمنٹ کا اعلان کیا ہے۔واضح رہے کہ تمیم اقبال نے رواں سال جنوری میں ٹی 20 کرکٹ سے 6 ماہ کا آرام لینے کا اعلان کیا تھا۔انہوں نے کہا تھا کہ میں اپنا سارا فوکس ٹیسٹ اور ون ڈے کرکٹ پر رکھنا چاہتا ہوں۔تمیم اقبال نے 78 ٹی 20 میچز میں بنگلا دیش کی نمائندگی کی ہے جس میں 1758 رنز بنائے ، اس میں ایک سنچری اور 7 نصف سنچریاں بھی شامل تھیں۔
