فرمان الہی
نماز کے اوقات
کراچی ( اسٹاف رپورٹر) قومی ہاکی میں بہتری کے لئے پاکستان اسپورٹس بورڈ اور بین الصوبائی رابطے کی وزارت غیر جانب دار افراد کو سامنے لانے میں ناکام ہوگئی، پاکستان ہاکی فیڈریشن کے صدر، سکریٹری اور خزانچی کو انتخابات نہ کرانے پر فارغ کرنے والے اسپورٹس بورڈ نے جمعہ کو جو ایڈہاک کمیٹی تشکیل دی ہے، اس میں تین افراد موجودہ فیڈریشن کا حصہ ہیں۔ فارغ کئے جانے والے فیڈریشن کے صدر بریگیڈ یئر(ر) خالد سجاد کھوکھر،سلیکٹر ناصر علی،جونیئر ٹیم کے ہیڈ کوچ ریحان بٹ اور اسپورٹس بورڈ کے ہاکی کوچ ارشد محمودکمیٹی کے رکن ہوں گے۔ کمیٹی 30 روز کے اندر انتخابات کرائے گی۔ سابق ہاکی اولمپئنز سلیم ناظم ، رشید الحسن نے کہا ہے کہ فارغ کردہ لوگوں ہی کو کمیٹی میں شامل کرنا مذاق ہے۔ دوسری جانب کمیٹی کے ارکان کا کہنا ہے کہ تمام کام ایمان داری سے کئے جائیں گے۔
