• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

محرم الحرام، راولپنڈی پولیس کامربوط سکیورٹی انتظامات یقینی بنانے کا عزم

میرا شہر
اسلام آباد
25 جولائی ، 2022
راولپنڈی(خصوصی نامہ نگار ) راولپنڈی پولیس کے محرم الحرام کے سلسلہ میں اقدامات،سینئر افسران اور ایس ایچ اوز کا متعلقہ علاقوں میں جلوسوں کے روٹ کا وزٹ، روٹ کا ازسرنو جائزہ لے کر مربوط سیکورٹی انتظامات کو یقینی بنایا جائے گا- سی پی او سید شہزاد ندیم بخاری کی ہدایات کے مطابق سینئر افسران اور ایس ایچ اوز نے محرم الحرام کے حوالے سے سٹیک ہولڈرز سے بھی میٹنگز کیں،میٹنگز کا مقصد موجودہ صورتحال کا اندازہ لگاتے ہوئے تمام سٹیک ہولڈرز کے تعاون سے امن و امان کا قیام ہے،سی پی او سید شہزاد ندیم بخاری کا کہنا تھا کہ محرم الحرام کے دوران امن و امان کے قیام، مسلکی رواداری و ہم آہنگی کو یقینی بنانے کے لئے تمام اقدامات اٹھائے جائیں گے، محرم الحرام کے سلسلہ میں ضابطہ اخلاق اور ایس او پیز پر من و عن عملدرآمد کو یقینی بنایا جائے گا، قانون شکن، سماج دشمن و شر پسند عناصر پر کڑی نظر رکھتے ہوئے قانون کی بالا دستی کو یقینی بنایا جائے گا۔
اسلام آباد سے مزید