• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فن لینڈکا اسلام آباد میں سفارتخانہ، ممبئی میں قونصلیٹ کھولنے کا اعلان

آج کا اخبار
اہم خبریں
02 ستمبر ، 2022
کراچی (نیوز ڈیسک) فن لینڈ نے پاکستان اور بھارت میں اپنے سفارتی مشن کو وسعت دینے کا اعلان کیا ہے ، اسلام آباد میں اپنا سفارتخانہ اور ممبئی میں قونصلیٹ کھولا جائے گا ۔ فن لینڈ کی وزارت خارجہ نے دنیا بھر میں اپنےسفارتی مشن کو وسعت دینے کا اعلان کیا ہے ۔ فن لینڈ کے صدر نے حال ہی میں سفارتی مشن کو وسعت دینے کے حکم نامے پر دستخط کئے ہیں۔ فن لینڈ اسلام آباد میں اپنا سفارتخانہ کھولے گا ، فی الحال سفارتخانے میں ہنگامی بنیادوں پر درکار پاسپورٹ اور دیگر سہولیات فراہم کی جائیں گی جبکہ سفارتخانے کی عمارت کی تعمیر مکمل ہونے کے بعد تمام سہولیات معمول کے مطابق فراہم کی جائیں گی ۔فن لینڈ کی جانب سے جاری اعلامیہ میں کہا گیا ہے کہ ہنگامی سہولیات کے علاوہ دیگر امور ابوظہبی میں موجود فن لینڈ کے سفارتخانے سے فراہم کی جائیں گی ۔ اسی طرح ممبئی میں موجود قونصلیٹ بھی صرف ہنگامی سہولیات فراہم کرے گا جبکہ دیگر سہولیات نئی دہلی میں موجود فن لینڈ کے سفارتخانے سے فراہم کی جائیں گی ۔
اہم خبریں سے مزید