فرمان الہی
نماز کے اوقات
کراچی (اسٹاف رپورٹر) جوز بٹلر کی قیادت میں انگلینڈ کی کرکٹ ٹیم 17 سال بعد پاکستان کے دورے پر جمعرات کی صبح کراچی پہنچ رہی ہے۔ انگلش دو پہر دو بجے مقامی ہوٹل میں پریس کانفرنس سے خطاب کریں گے۔ قبل ازیں انگلش کرکٹرز نے ہیتھرو سے کراچی روانگی کی تصاویر سوشل میڈیا پر پوسٹ کیں۔ انگلش ٹیم لندن سے براستہ دبئی پہنچے گی۔ پاکستان اور انگلینڈ کے مابین سات ٹی ٹوئنٹی انٹرنیشنل میچز پر مشتمل سیریز کا آغاز 20 ستمبر کو کراچی سے ہوگا۔ سیریز کے بقیہ تین میچ 22،23 اور 25 ستمبر کو نیشنل اسٹیڈیم کراچی میں کھیلے جائیں گے جبکہ 28، 30 ستمبر اور 2 اکتوبر کو شیڈول میچز قذافی اسٹیڈیم لاہور میں کھیلے جائیں گے۔ ہفتے کی شام 7 بجے نیشنل اسٹیڈیم کراچی میں ٹریننگ سیشن سے قبل دونوں ٹیموں کے اسکواڈ میں شامل ایک رکن پریس کانفرنس کریں گے۔ اتوار کو دونوں ٹیموں کا نیشنل اسٹیڈیم کراچی میں ٹریننگ سیشن ہوگا اس سے قبل دونوں کپتان پریس کانفرنس کریں گے۔
