• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور،گرانفروشی، کم وزن روٹی اور تجاوزات پر 48 دکاندار گرفتار

میرا شہر
پشاور
15 ستمبر ، 2022
پشاور(وقائع نگار)صوبائی دارلحکومت پشاور میں ضلعی انتظامیہ نے مختلف علاقوں میں کارروائی کرتے ہوئے گرانفروشی، کم وزن روٹی اور تجاوزات قائم کرنے پر 48 دکانداروں کو گرفتار کر لیا جبکہ جی ٹی روڈ اور حیات آباد میں فلنگ سٹیشنوں کا معائنہ کرتے ہوئے کم گیج ہونے پر 05 منیجرز کو گرفتار کر لیا۔ ڈپٹی کمشنر پشاور شفیع اللہ خان کی ہدایت پر انتظامی افسران نے حیات آباد، یونیورسٹی روڈ، اندرون شہر بازاروں، گلبہار، کوہاٹ روڈ، جی ٹی روڈ، دلہ زاک روڈ، چارسدہ روڈ اور دیگر علاقوں میں بازاروں کا معائنہ کیا۔کارروائیوں کے دوران گرانفروشی، سرکاری نرخ نامے کی عدم موجودگی، کم وزن روٹی اور تجاوزات قائم کرنے پر مختلف علاقوں سے مجموعی طور پر48 دکانداروں کو گرفتار کر لیا گیا۔ان گرفتار دکانداروں میں سبزی و پھل فروش، نانبائی، قصاب، شیر فروش، جنرل سٹور مالکان، تجاوزات مافیا اور دیگر شامل ہیں۔انتظامی افسران نے مزید کارروائی کرتے ہوئے جی ٹی روڈ اور حیات آباد میں مختلف فلنگ سٹیشنوں کا معائنہ کیا۔ معائنے کے دوران 05 فلنگ سٹیشنوں میں گیج کم پایا گیا جس پر 05 فلنگ سٹیشنوں کے منیجروں کو گرفتار کر لیا گیا۔ ان گرفتار دکانداروں اور فلنگ سٹیشن منیجروں کے خلاف قانونی کارروائی عمل میں لائی جائے گی۔ڈپٹی کمشنر پشاور شفیع اللہ خان نے انتظامی افسران کو پشاور بھر میں بازاروں کا مسلسل معائنہ کرنے کا حکم دیا ہے اور گرانفروشی پر قانونی کارروائی کی ہدایت کی ہے۔
پشاور سے مزید