پاک امارات دو طرفہ تعلقات نئی سطح پر پہنچ سکتے ہیں، اسحاق ڈار

اسلام آباد (صالح ظافر) متحدہ عرب امارات (یو اے ای) کے ساتھ باہمی دلچسپی کے مختلف راستوں پر موجودہ حکومت کی توجہ کو اجاگر کرتے ہوئے وفاقی وزیر خزانہ اور ریونیو سینیٹر محمد اسحاق ڈار نے کہا ہے کہ دونوں کے موجودہ دوطرفہ تعلقات ایک نئی سطح کو بڑھ سکتے ہیں۔ وہ فنانس ڈویژن میں متحدہ عرب امارات کے سفیر حماد عبید ابراہیم سلیم الزابی سے گفتگو کر رہے تھے۔ اسحاق ڈار نے دونوں برادر ممالک کے درمیان دوطرفہ اقتصادی تعلقات کو بڑھانے اور مضبوط بنانے پر تبادلہ خیال کیا۔ وفاقی وزیر نے سفیر کو یاد دلایا کہ پاکستان اور متحدہ عرب امارات کے درمیان کئی شعبوں میں دیرینہ دوطرفہ تعلقات ہیں جیساکہ دونوں دارالحکومتوں کے تعلقات قائم ہونے کے بعد سے ان کا تعاون فروغ پا رہا ہے۔ اسحاق ڈار نے پاکستان میں تباہ کن سیلاب کے متاثرین کو فراخدلانہ مدد فراہم کرنے پر متحدہ عرب امارات کی قیادت اور اس کے عوام کا شکریہ ادا کیا۔ سفیر حماد عبید ابراہیم سلیم الزابی نے وزیر خزانہ کو وزارت خزانہ میں شمولیت پر مبارکباد دی اور ابوظہبی انویسٹمنٹ اتھارٹی کی پاکستان میں سرمایہ کاری میں گہری دلچسپی کا اظہار کیا۔ انہوں نے اس امید کا بھی اظہار کیا کہ سینیٹر ڈار اپنے عوام کی امیدوں پر پورا اتریں گے۔ وزیر خزانہ نے پاکستان میں نئی ​​سرمایہ کاری کو آگے بڑھانے کے لیے خوش آئند جذبات کا اظہار کیا اور متحدہ عرب امارات کے سفیر کو ان کی حکومت کی جانب سے مکمل حمایت اور تعاون کا یقین دلایا۔