• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی اسلام آباد کے مختلف علاقوں سے6لڑکیوں سمیت8 افراد اغواء

میرا شہر
اسلام آباد
09 اکتوبر ، 2022
راولپنڈی (سٹاف رپورٹر)جڑواں شہروں کے مختلف علاقوں سےچھ لڑکیوں سمیت آٹھ افرادکو اغواکرلیاگیا، تھانہ وارث خان کوروبینہ نے بتایا کہ اس کی والدہ (م) کو کسی نے اغواء کرلیا۔ تھانہ وارث خان کو اشرف مسیح نے بتایا کہ اس کی18 سالہ بیٹی (س)کو محمدشہزادنے اغواء کرلیا۔تھانہ آراے بازارکو قاضی تیمور نے بتایاکہ اس کی بیٹی (خ) عمر15 سال گھر سے بازار کی طرف گئی جو واپس نہ آئی،تھانہ ائرپورٹ کو محمد فاروق نے بتایا کہ اس کی بیوی(ک)اپنے گھر وزیر ٹاؤن راولپنڈی سے میرے گھر کے لئے نکلی جو نہ تو میرے گھر پہنچی نہ والدین کو بتایا جبکہ میرے سسرال والوں کے مطابق وہ ہمیں یہ کہہ کر گئی کہ مجھے اپنے بیٹے کی یا د آرہی ہے جسکو ملنے جانا ہے لیکن اب تک اس کا کوئی پتہ نہ چلا ۔مجھےشک ہے کہ ایک پیزاڈیلوری والا میرے گھر پیز ادینے آیا تھا جس کے میرے نمبر پر کال اور میسجز آتے رہتے تھے۔ میری بیگم کووہی ورغلا پھسلا ء کر لے گیا ہے ۔تھانہ روات کو ذیشان وحید نے بتایاکہسائل اپنی بیوی کے ہمراہ کمرشل ایریا فیز سیون گیا جہاں پر گاڑی پارک کرکے سائل کھانا لینے گیا جبکہ سائل کی بیوی (ز)گاڑی میں ہی بیٹھی رہی واپس آیا تووہگاڑی میں موجود نہ تھی۔ ا ب معلوم ہوا کہ اسے محمد ابراہیم ہمراہ نامعلوم افراد نے اغواء کرلیا۔تھانہ بھارہ کہوکو محمدوحیدنے بتایا کہ اس کابھانجا غضنفر علی عمر 18سال جو مسجد میں زیر تعلیم تھا کوکسی نے اغوا کرلیا۔ تھانہ کراچی کمپنی کوزاہداقبال نے بتایاکہ اس کی بیٹی (الف) کو عمرخالدنے اغواکرلیا ، تھانہ سنگ جانی کو غلام صدیق نے بتایاکہ اس کا 30 سالہ بیٹا عثمان غنی جوذہنی طورپربہتر نہیں ہے اغواء ہو گیا۔
اسلام آباد سے مزید