• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی اسلام آباد سمیت بعض مقامات پر بارش، آج مزید امکان

میرا شہر
اسلام آباد
20 اکتوبر ، 2022
اسلام آباد (اپنے نامہ نگار سے)راولپنڈی اسلام آباد سمیت مضافات اور بالائی پنجاب میں بدھ کی رات تیز ہواؤں اور گرج چمک کے ساتھ بعض مقامات پر بارش ہوئی ۔ اس دوران چند مقامات پر ژالہ باری بھی ہوئی جس سے موسم میںخنکی آ گئی، گزشتہ روز دن بھرموسم خشک رہنے کے بعد جڑواں شہروں میں رات کو تقریباً گیارہ بجے تیز ہواؤںکے ساتھ بارش کا سلسلہ شروع ہوا جو رات گئے تک جاری رہا ، محکمہ موسمیات کے مطابق آج جمعرات کو بھی صبح کے وقت راولپنڈی اسلام آباد سمیت کشمیر، گلگت بلتستان ، بالائی خیبر پختونخوا اور بالائی پنجاب میں آندھی/تیز ہواؤں اورگرج چمک کے ساتھ مزید بارش جبکہ بلند پہاڑوں پر برفباری کا امکان ہے ، اس دوران چند مقا مات پر ژالہ باری کی بھی توقع ہے تاہم ملک کے دیگر علاقوں میں موسم خشک رہے گا، گزشتہ روز ملک میں سب سے کم درجہ حرارت لہہ میں درجہ حرارت منفی 2، زیارت 1 اور اسکردو میں 2 ڈگری سینٹی گریڈریکارڈ کیا گیا۔
اسلام آباد سے مزید