• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈیرہ اسماعیل خان میں فوج اور دہشتگردوں میں جھڑپ، 2 جوان شہید

آج کا اخبار
اہم خبریں
30 اکتوبر ، 2022
راولپنڈی (اے پی پی)ضلع ڈیرہ اسماعیل خان کے عمومی علاقے دارا زندہ میں پاک فوج کی دہشت گردوں کے ساتھ جھڑپ کے دوران فائرنگ کے تبادلے میں پاک فوج کے2جوان جام شہادت نوش کر گئے۔پاک فوج کے شعبہ تعلقات عامہ (آئی ایس پی آر) کی طرف سے ہفتہ کو جاری پریس ریلیز میں کہا گیا ہے کہ فوج کے دستوں نے دہشت گردوں کے ٹھکانے کو موثر انداز میں نشانہ بنایا۔ شہید ہونے والے فوجیوں کی شناخت نائیک ساجد حسین(عمر 33 سال) ساکن خوشاب اور سپاہی محمد اسرار (عمر 26 سال) ساکن اٹک کے نام سے ہوئی ہے جنہوں نے بہادری سے لڑتے ہوئے فائرنگ کے شدید تبادلے میں شہادت کو گلے لگالیا۔ علاقے میں پائے جانے والے دہشت گردوں کے خاتمے کے لیے علاقے میں کلیئرنس آپریشن جا ری ہے۔
اہم خبریں سے مزید