• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوتھ پورے سچ کیساتھ جھوٹ پر مبنی بیانیے کو شکست دیں، سراج الحق

آج کا اخبار
اہم خبریں
02 نومبر ، 2022
لاہور(نمائندہ جنگ)امیر جماعت اسلامی سراج الحق نے کہا ہے کہ یوتھ پورے سچ کے ساتھ جھوٹ پر مبنی بیانیے کو شکست دیں۔ سیاسی جماعتیں تاحال انتخابی اصلاحات نہ کر سکیں،سوال یہ ہے کہ ریفارمز کے بغیر انتخابات کس کس کے لیے قابل قبول ہوں گے؟ سیاست دانوں کی ذاتی لڑائیوں میں 22کروڑ عوام شدید مشکلات کا شکار ہیں۔ پی ڈی ایم اور پی ٹی آئی کا تماشا غریب کی بہتری کے لیے نہیں کرسی کیلئے ہے، نہ یہ حکمران ملک میں جہالت، مہنگائی، بے روزگاری کے خاتمے کی لڑائی لڑ رہے ہیں، ان کے پیش نظر کرسی اور اپنی انا کی تسکین ہے۔ ان خیالات کا اظہار انھوں نے منصورہ میں مرکزی تربیت گاہ کے شرکا سے خطاب کرتے ہوئے کیا۔سراج الحق نے کہا کہ حکمران نہیں چاہتے کہ معاشرے کا عام پڑھا لکھا نوجوان آگے آئے، استعماری طاقتوں کو موجودہ حکمران جماعتوں میں سے کسی پر اعتراض نہیں نہ وہ ان سے خائف ہیں۔ ملک میں احتساب کے پر کاٹ دیے گئے، ہر طرف ظلم و جبر ہے۔ انصاف کے دروازے غریبوں پر بند، پیسوں کے بغیر کوئی عدالت نہیں جا سکتا۔ سپریم کورٹ کے جج نے ججز کانفرنس کے دوران جب یہ سوال پوچھا کہ کیا ملک میں انصاف ہے تو سب کا جواب نفی میں تھا۔ طاقتور کو50کروڑ کی چوری کرنے کی اجازت ہے، غریب کو معمولی غلطی پر جیل بھیج دیا جاتا ہے۔
اہم خبریں سے مزید