فرمان الہی
نماز کے اوقات
کراچی (اسٹاف رپورٹر) انگلش کرکٹ ٹیم پاکستان کے خلاف تین ٹیسٹ میچوں کی سیریز کھیلنے اتوار 27 نومبر کو اسلام آباد پہنچ رہی ہے۔ پیر کو پنڈی اسٹیڈیم میں پہلا پریکٹس سیشن ہوگا۔ تحریک انصاف کے چیئر مین عمران خان نے ہفتے کو پنڈی پہنچنے کا اعلان کیا ہوا ہے ۔ لیکن پی سی بی نے دعوی کیا ہے کہ پنڈی ٹیسٹ شیڈول کے مطابق یکم دسمبر سے پنڈی اسٹیڈیم یں ہی ہوگا ۔ ابھی تک پروگرام میں کوئی تبدیلی نہیں ہے۔ قبل ازیں پی سی بی نے کراچی میں دو ٹیسٹ کرانے کا اعلان کیا تھا لیکن سیاسی گہما گہمی کے دوران ٹیسٹ میچ بھی غیر یقینی صورتحال کا شکار ہے۔ ذرائع کے مطابق پی سی بی اس حوالے سے سیکیورٹی حکام اور وزارت داخلہ سے رابطے میں ہے۔ دوسری جانب چیف سلیکٹر محمد وسیم نے ٹیم کے انتخاب کیئے کپتان بابر اعظم اور ہیڈ کوچ ثقلین مشتاق سے بات چیت شروع کردی ہے۔
