• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور، نو پارکنگ زون میں کھڑی 9188 گاڑیوں کا چالان

میرا شہر
پشاور
29 نومبر ، 2022
   پشاور(کرائم رپورٹر)سٹی ٹریفک پولیس پشاور نے نو پارکنگ زون میں گاڑیاں کھڑی کرنے پر گزشتہ ماہ 9188 افراد کا چالان کیا۔ تفصیلات کے مطابق  چیف ٹریفک آفیسر عباس مجید خان مروت  کی سربراہی میں سٹی ٹریفک پولیس پشاور کی جانب سے گزشتہ ماہ شہر بھر میں نو پارکنگ زون میں گاڑیاں اور موٹر سائیکلیں کھڑی کرنے والوں کے خلاف   کارروائیاں عمل میں لائی گئیں۔ جس کے تحت سینکڑوں گاڑیوں کو فورک لفٹر کے ذریعے اٹھا کر ٹرمینل میں بند کردیں جبکہ سینکڑوں گاڑیوں کے مالکان کو موقع پر چالان کیا گیا جن سے جرمانوں کی مد میں لاکھوں روپے وصول کر کے قومی خزانے میں جمع کرادیئے گئے۔واضح رہے کہ سٹی ٹریفک پولیس پشاور کی جانب سے 238 موٹر سائیکل مالکان کیخلاف کارروائیاں عمل میں لائی گئی ہیں ۔  چیف ٹریفک آفیسر عباس مجید خان مروت نے کہا ہے کہ شہری نو پارکنگ زونز میں گاڑیاں کھڑی کرنے سے گریز کریں کیونکہ اس اقدام سے ٹریفک جاماور لوگوں کو شدید مشکلات کا سامنا کرنا پڑتا ہے اور لوگوں کا قیمتی وقت ضائع ہونے سمیت اکثر اوقات رش میں ایمبولینسز پھنس جاتی ہیں جس سے مریضوں کو شدید مشکلات کا سامنا کرنا پڑتا ہے۔ انہوں نے کہا کہ شہری محب وطن اور مہذب شہری بننے کا ثبوت دیتے ہوئے ٹریفک قوانین پر مکمل طور پر عملدرآمد کو یقینی بنائیں اور غلط پارکنگ اور نو پارکنگ زونز میں گاڑیاں کھڑی کرنے سے گریز کرکے ٹریفک نظام میں بہتری لانے میں اپنا کردار ادا کریں۔
پشاور سے مزید