فرمان الہی
نماز کے اوقات
کراچی (جنگ نیوز) پاکستان تحریک انصاف کے رہنما وڈپٹی سیکرٹری اطلاعات اور رکن سندھ اسمبلی شہزاد قریشی نے کہا ہے کہ بلاول بھٹو زرداری پی ٹی آئی پر تنقید کی بجائے لیاری بنانے میں اپنا کردار ادا کریں، لیاری کا رہائشی ہر چیز کیلئے پریشان ہے، شہر کراچی کو اس وقت گیس کی شدید لوڈ شیڈنگ کا سامنا ہے اور گیس سے چلنے والی انڈسٹریز بھی متاثر ہے،دریں اثنا انہوں نے رکن سندھ اسمبلی میں پی ٹی آئی کے رہنما اور سندھ اسمبلی کے پارلیمانی لیڈر سندھ خرم شیر زمان کے ہمراہ ڈی آئی جی ٹریفک سے ملاقات کی اور شہر میں ٹریفک کی بدترین صورتحال پر تشویش کا اظہار کیا، اُن کا کہنا تھا کہ ہیوی گاڑیوں کی وجہ سے ٹریفک حادثات بڑھتے جارہے ہیں،مقررہ اوقات کے علاوہ کسی ہیوی گاڑی کو روڈ پر آنے سے روکا جائے۔ ڈی آئی جی ٹریفک کی جانب سے مسائل کے حل کی یقین دہانی کرائی گئی ہے، علاوہ ازیں ”خواتین کو بااختیار بنانے اور ترقی“ کے بارے میں ایف پی سی سی آئی کی قائمہ کمیٹی کا اجلاس ہوا جس میں شہزاد قریشی بطور مہمان خصوصی شریک ہوئے۔
