صدر مملکت کا ژوب میں شہید سپاہی حق نواز کو خراج عقیدت

 

صدر مملکت ڈاکٹر عارف علوی نے ژوب میں سیکیورٹی فورسز کے آپریشن میں شہید سپاہی حق نواز کو خراجِ عقیدت پیش کیا۔

عارف علوی نے سپاہی حق نواز کے ورثاء سے اظہار تعزیت کرتے ہوئے، شہید کی خدمات اور قوم کے لیے قربانی پر خراجِ تحسین پیش کیا۔

ژوب: سیکیورٹی فورسز کا آپریشن، دہشتگرد ہلاک، سپاہی شہید

بلوچستان کے علاقے ژوب میں خفیہ اطلاعات پر سیکیورٹی فورسز نے آپریشن کیا، فائرنگ کے تبادلے میں ایک دہشت گرد مارا گیا۔

اعلامیے کے مطابق صدر مملکت نے دہشت گردی کے مکمل خاتمے کے لیے قوم اور سیکیورٹی فورسز کے عزم کا اعادہ کیا۔

 صدر مملکت نے شہید کے لیے بلندی درجات کی دعا کرتے ہوئے اہلِ خانہ سے اظہار ہمدردی کیا۔

عارف علوی نے آپریشن میں زخمی ہونے والوں کے لیے جلد صحتیابی کی دعا بھی کی۔