فرمان الہی
نماز کے اوقات
اسلام آ باد (نمائندہ جنگ)آئندہ سال 2023میں کتنی سرکاری چھٹیاں ہونگی ؟حکومت نے عام تعطیلات،اختیاری چھٹیوں کا نوٹیفکیشن جاری کردیا ۔ کابینہ ڈویژن کے جاری کردہ نو ٹیفکیشن کے مطابق سال2023میں38عام تعطیلات اور اختیاری چھٹیاں ہوں گی۔ 16عام تعطیلات،22 اختیاری چھٹیاں ہونگی ۔5 فروری کو یوم کشمیر ، 23 مارچ کو یوم پاکستان، یکم مئی کو یوم مزدور،22 سے24 اپریل عید الفطر ، 29،30جون،یکم جولائی کو عیدالاضحی،27 اور28جولائی کو نویں اور دسویں محرم، 14اگست کو یوم آزادی ، 28ستمبر کو عیدمیلاد النبی، 9نومبرکو یوم اقبال، 25 دسمبر کو یوم قائداعظم/کرسمس ، 26دسمبر کو مسیحی ملازمین کیلئے یوم کرسمس کے بعد کی عام تعطیل ہوگی ۔ اسلامی چھٹیاں متوقع تاریخ کے حساب سے طے کی گئیں ۔ چاند کی رویت کے حساب سے چھٹیوں کا الگ نوٹیفکیشن بھی جاری کیا جائیگا ۔ کل 16 عام تعطیلات میں سے 2 اتوار کے روز ہونگی ۔ 2جنوری،22 مارچ۔3 جولائی کو بنکوں کی چھٹی ہوگی۔ مسلم حکومتی ملازمین کو ایک سال میں ایک سے زیادہ آپشنل چھٹی نہیں ملے گی۔ غیر مسلم حکومتی ملازمین کو سال میں 3 سے زائد آپشنل چھٹیاں نہیں ملیں گی ۔
