فرمان الہی
نماز کے اوقات
کراچی(اسٹاف رپورٹر)یارکشائر کاؤنٹی کرکٹ کلب کا تین رکنی وفد ہفتے کو لاہور پہنچ گیا۔. وفد کی قیادت انگلش کاؤنٹی کے ڈپٹی چیئر ٹریور اسٹرین کررہے ہیں۔غیرملکی وفد پانچ روزہ دورے میں قلندرز ہائی پرفارمنس سینٹر اور لاہور قلندرز کے ہیڈ آفس کا دورہ کرے گا، جہاں وہ لاہور قلندرز کے چیف آپریٹنگ آفیسر ثمین رانا اور چیف ایگزیکٹو آفیسر لاہور قلندرز عاطف رانا سے ملاقاتیں کرے گا۔لاہور میں ملاقاتوں کے بعد تین رکنی وفد دفاعی چیمپئن لاہور قلندرز کی خصوصی دعوت پر ملتان پہنچے گا، جہاں وہ پی ایس ایل 8 کی افتتاحی تقریب دیکھنے کے بعد ملتان کرکٹ اسٹیڈیم میں لاہور قلندرز اور ملتان سلطانز کی ٹیموں کے مابین میچ دیکھے گا۔لاہور قلندرز کے سی او او ثمین رانا کا کہنا ہے کہ وہ یارکشائر کاؤنٹی کرکٹ کلب کے تین رکنی وفد کی میزبانی کے لیے بہت پرجوش ہیں۔
