فرمان الہی
نماز کے اوقات
کراچی(اسٹاف رپورٹر)پاکستانی کپتان بابر اعظم نے کہا کہ عمران خان کی طرح پاکستان کو دوسری مرتبہ کرکٹ ورلڈ کپ کا چیمپئن بنانا چاہتا ہوں۔پاکستان اس سال اکتوبر میں بھارت میں ورلڈ کپ میں شرکت کرے گا۔اس سے قبل پاکستان ایشیا کپ کی میزبانی کرے گا۔آئی سی سی کو انٹر ویو میں انہوں نے کہا کہ بھارت میں رواں سال ہونے والے ورلڈکپ میں بہترین کارکردگی کا مظاہرہ پیش کرنے کی کوشش کروں گا اور عمران خان کی طرح اپنانام روشن کرنا چاہتا ہوں۔ اچھا پرفارم کرنے کے لیے محنت کی ضرورت ہوتی ہے، میری تو یہی کوشش ہے کہ اچھا پرفارم کریں اور ورلڈ کپ جیتتے۔بابر نے کہا کہ میگا ایونٹ سے قبل ہمیں کافی ون ڈے میچز کھیلنے کو مل رہے ہیں،ممکنہ پلیئنگ الیون نظروں میں ہے مگر کسی بھی ہدف کی جانب اچانک نہیں بڑھ سکتے،ایک ایک کرکے قدم اٹھانا پڑتےہیں،اس کیلئے سخت محنت اور پلاننگ کی ضرورت ہوگی۔ مجھے پوری امید ہے کہ ورلڈکپ سے قبل میزبان ملک بھارت کی کنڈیشنز کو پیش نظر رکھتے ہوئے ہم ایسا متوازن اسکواڈ تشکیل دینے میں کامیاب ہوجائیں گے جو توقعات کے مطابق کارکردگی پیش کرسکے۔ کوئی بھی ٹائٹل جیتنے کیلیے مسلسل عمدہ پرفارم کی ضرورت ہوتی ہے۔
