فرمان الہی
نماز کے اوقات
کراچی (اسٹاف رپورٹر) پاکستان کے انٹرنیشنل فاسٹ بولر محمد حسنین نے کہا ہے کہ میں پاکستان کی جانب سے ٹیسٹ بھی کھیلنا چاہتا ہوں ۔ فرسٹ کلاس کرکٹ اس لئے کم کھیلی ہے کہ مجھے پاکستان کی جانب سے بلا لیا جاتا ہے۔گذشتہ سال بھی چار فرسٹ کلاس میچ کھیل سکا تھا۔ لیکن یہ تاثر درست نہیں ہے کہ صرف وائٹ بال فارمیٹ کھیلنا چاہتا ہوں۔ ہر کھلاڑی کی طرح میری بھی خواہش ہے کہ ٹیسٹ کرکٹر بنوں۔ انہوں نے کہا کہ کرکٹ میں ہار جیت ہوتی ہے، عمر گل ہر میچ سے پہلے بولنگ کا پلان دیتے ہیں، نیٹس پر ڈیتھ اوورز کی تیاری کیلئے بھرپور پریکٹس کرتے ہیں۔ کپتان سرفراز احمد غصہ نہیں کرتے بس تھوڑے جارح ہوتے ہیں۔
