فرمان الہی
نماز کے اوقات
کراچی (جنگ نیوز) کرکٹ گراؤنڈ میں 20 سال قبل ہونے والی چیز کو بالکل اسی طرح دوبارہ دیکھ کر شائقین حیران رہ گئے۔ غیرملکی میڈیا کے مطابق2003میں جنوبی افریقا اور ویسٹ انڈیز کے درمیان ٹیسٹ میچ کھیلا گیا تھا جس کی دونوں اننگز میں جنوبی افریقی فاسٹ بولر مکھایا این ٹینی نے ویسٹ انڈیز کے بیٹر چندرپال کو آؤٹ کیا تھا۔اب20 سال بعد21سے23فروری کے درمیان جنوبی افریقا اور ویسٹ انڈیز کے درمیان ٹور میچ میں بھی ایسا ہی ہوا لیکن معمولی فرق کے ساتھ،اس میچ میں20سال پہلے کھیلے گئے کھلاڑیوں کے بیٹوں تھانڈو این تینی اور تیگ نارائن چندرپال نے اپنی اپنی ٹیم کی نمائندگی کی اور حیرت انگیز طور پر اس مرتبہ جنوبی افریقی بولر کے بیٹے نے ویسٹ انڈیز کے کھلاڑی کے بیٹے کو دونوں مرتبہ آؤٹ کیا۔2003کے ٹیسٹ میچ میں ویسٹ انڈیز کے چندرپال بائیں ہاتھ سے بیٹنگ کرتے تھے جب کہ ان کا بیٹا بھی بائیں ہاتھ سے بیٹنگ کرتا ہے اور دونوں باپ اور بیٹا میچ کی دونوں اننگز میں کیچ آؤٹ ہوئے۔
