فرمان الہی
نماز کے اوقات
کراچی (اسٹاف رپورٹر) ملتان سلطانز کے بولنگ کوچ اور سابق ٹیسٹ اسپنر مشتاق احمد نے کہا کہ پاکستان سپر لیگ میں ہم نے کراچی کنگز کے خلاف اچھی بولنگ نہیں کی اور یکطرفہ جیت کا کرکٹ کراچی کنگز کو جاتا ہے۔ ملتان میں اچھا کھیل کر کراچی کی سلو پچ ہر ہم اچھا نہیں کھیلے اور بیٹنگ بھی اچھی نہیں تھی۔ میچ کے بعد پریس کانفرنس میں انہوں نے کہا کہ ہم نے ملتان اسٹیڈیم میں پانچ میچ کھیلے اور چار جیتے اچھی پچز پر کھیلتے ہوئے سلو وکٹ پر آئے، کنڈیشن کو ٹھیک طرح سمجھ نہیں سکے۔ ہم پچ کو ٹھیک طرح نہیں پڑھ سکے تھے، اسپن کا اتنا اندازہ نہیں تھا۔ کراچی کے اسپنرز نے ہمیں زیاد ہ مواقع نہیں دیئے۔کوچزباہر بیٹھ کر پلان دے سکتے ہیں، اندر تو کھلاڑیوں نے کھیلنا ہوتا ہے۔ہمیں کنڈیشنز کو جلدی سمجھنا چاہئے تھا۔
