فرمان الہی
نماز کے اوقات
بہاولپور(توصیف احمد) اسلامیہ یونیورسٹی بہاول پور،اسلامیہ یونیورسٹی بہاول پور میں بہاول پور لٹریری اینڈ کلچرل فیسٹیول کی چار روزہ تقریبات کے سلسلے میں منعقدہونے والے آل پنجاب قرات، نعت اور تقریری مباحثوں کے نتائج کا اعلان کر دیا گیا۔ جن میں قرات کے مقابلوں میں پہلی پوزیشن حافظ منیب الرحمن اسلامیہ یونیورسٹی بہاول پور، دوسری عروا فاطمہ غازی یونیورسٹی ڈی جی خان اور تیسری پوزیشن محمد حسن شیر سرگودھا یونیورسٹی سرگودھاجبکہ نعت کے مقابلوں میں پہلی پوزیشن ظہور عباس جی سی یونیورسٹی لاہور، دوسری مزمل انعم یونیورسٹی آف سرگودھا اور تیسری پوزیشن جواد اظہر جی سی یونیورسٹی فیصل آباد نے حاصل کی۔ اسی طرح اردو، پنجابی اور سرائیکی تقریری مقابلوں میں گورنمنٹ کالج ویمن یونیورسٹی بہاول پور کی منیزہ ریاض نے میدان مار لیا ،دوسری پوزیشن اسلامیہ یونیورسٹی بہاول پورکی کائنات ظہور اور تیسری پوزیشن ایمرسن یونیورسٹی ملتان کے سیف اللہ نے حاصل کی۔ اردومقابلوں میں علی عمر ارسلان گورنمنٹ ایس ای کالج بہاول پور، احمد زبیر گورنمنٹ کالج یونیورسٹی گجرانوالہ اور تیسری پوزیشن اسامہ رضوان پنجاب یونیورسٹی لاہور نے حاصل کی۔اسی طرح انگریزی مقابلوں میں پہلی پوزیشن حسن شہریار گورنمنٹ کالج یونیورسٹی لاہور، دوسری حمزہ ایمرسن یونیورسٹی ملتان اور تیسری پوزیشن مناہل فاطمہ اسلامیہ یونیورسٹی بہاول پور نے حاصل کی۔ وائس چانسلر اسلامیہ یونیورسٹی بہاول پور انجینئر پروفیسر ڈاکٹر اطہر محبوب، سید تابش الوری، ذولفقار علی مان صدر چیمبر آف کامرس اینڈ انڈسٹری، ناصر حمید ڈائریکٹر انفارمیشن بہاول پور، ڈینز اور سینئر افسران نے انعامات تقسیم کیے۔ اس موقع پر ڈائریکٹر سٹوڈنٹس افیئرز رضوان مجید، رجسٹرار پروفیسر ڈاکٹر معظم جمیل، خزانہ دار پروفیسر ڈاکٹر ابوبکر، ڈائریکٹر میوزیم زیبر ربانی، ڈائکٹر اآرٹس کونسل اور دیگر مہمان شریک تھے۔ بعدا زاں بہاول پور لٹریری اینڈ کلچرل فیسٹیول کی رنگارنگ تقریبات منعقد ہوئیں۔
