• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بہاولپور ادبی میلہ میں رنگ و نور کی بہار، افسانوی سماں

آج کا اخبار
اہم خبریں
02 مارچ ، 2023
بہاول پور (توصیف احمد)اسلامیہ یونیورسٹی بہاول پور میں بہاول پور لٹریری اینڈ کلچرل فیسٹیول کے تیسرے روز کتابوں کی رونمائی، فلم سکرینگ، روبرو، میڈیا کنکلیواور گرینڈ محفل مشاعرہ منعقد ہوئی۔ پاکستانی فلم انڈسٹری کل اور آج کے موضوع پر ہونے والے میڈیا کنکلیو میں سید نور، ناصر ادیب، آمنا مفتی، نذیر لغاری، شیما کرمانی، رضوان رضی نے میزبان سجاد پرویز کے ساتھ گفتگو کرتے ہوئے کہا دور جدید کے عہد جدید کے پاکستانی فلم انڈسٹری اپنا کھویا مقام حاصل کرے گی۔ شیما کرمانی اور آمنا مفتی کے مابین روبرو میں پاکستان میں فنون لطیفہ اور پرفارمنگ آرٹ سے متعلق دلچسپ گفتگو ہوئی۔ نامور تجزیہ نگار مجاہد بریلوی نے شیما کرمانی کے ہمراہ حبیب جالب کی انقلابی شاعری "لازم ہے کہ ہم بھی دیکھیں گے"کے پس منظر پر گفتگو کی اور اس نظم پر شیما کرمانی نے پرفارم کیا۔ گرینڈ محفل مشاعرہ کی صدارت سید تابش الوری نے کی ، امبرین حسین امبر، عقیل عباس جعفری، اظہر فراغ، گل نو خیز اختر، منصور آفاق، آغا صدف مہدی اور دیگر نامور شاعر شریک ہوئے۔ فیسٹیول میں کتب ، زرعی اور صنعتی ، دستکاریوں ، پھولوں کی نمائش اور فوڈ کورٹ سے پورا کیمپس میلے کا سماں پیش کر رہا ہے۔ پروفیسر ڈاکٹر اطہر محبوب کے ساتھ روبرو میں سجاد پرویز نے وائس چانسلر کی زندگی اور جدوجہد پر گفتگو کی پروفیسر ڈاکٹر محمد شہزاد رانا کی وائس چانسلر پر لکھی کتاب کی رونمائی میں پروفیسر ڈاکٹر حمید رضا صدیقی نے اظہار خیال کیا۔ گزشتہ رات علاقائی موسیقی کی شاندار محفل میں وہا ب بگتی، ظہور لوہار، عارف ملغانی، موہن بھگٹ، شعبان چاچڑ اور دیگر علاقائی فنکاروں نے پرفارم کیا۔ ایمفی تھیٹر میں ہونیو الے تھیٹر پروفارمنس میں ملتان سے آئے ہوئے تھیٹر اور یونیورسٹی کے تھیٹر گروپ نے اپنے فن کا شاندار مظاہر ہ کیا۔
اہم خبریں سے مزید