چاند گرہن کیوں ہوتا ہے؟

چاند سے تو ہر کسی کا بچپن سے ہی ایک عجیب سا خوبصورت میٹھا میٹھا سا رشتہ ہے، بچے ہوں یا بڑے پیار سے اکثر ہی چاند کو چندا ماموں پکارتے ہیں۔ اکثر آپ نے سنا ہوگا کہ چاند گرہن ہوتا ہے تو آج ہم آپ کو بتائیں گے کہ ایسا کیوں ہوتا ہے۔

چاند گرہن اس وقت ہوتا ہے جب زمین چاند اور سورج کے درمیان آ جاتی ہے، جس سے چاند پر سورج کی روشنی نہیں پڑتی اور چاند نظر نہیں آتا۔ چاند گرہن کبھی جزوی ہوتا ہے اور کبھی پورا۔ یہ اس کی گردش پر منحصر ہے۔ ناسا کے مطابق چاند گرہن کے دوران چاند زمین کے سائے میں آ جاتا ہے لیکن اس کے باوجود کچھ روشنی چاند پر پہنچتی رہتی ہے۔

چاند گرہن کے دوران سورج کی روشنی زمین کی فضا سے گزر کر چاند پر پڑتی ہے اس ہی وجہ سے گرہن کے دوران چاند سرخ نظر آتا ہے جسے ’خونی چاند‘ بھی کہا جاتا ہے۔ ناسا کے مطابق مکمل چاند گرہن کبھی کبھار ہی ہوتا ہے لیکن جزوی گرہن سال میں دو مرتبہ ہوتا ہے۔