• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سی پی او کا کرکٹ اسٹیڈیم کا دورہ، سکیورٹی انتظامات کا جائزہ

میرا شہر
اسلام آباد
12 مارچ ، 2023
راولپنڈی(سٹاف رپورٹر) سٹی پولیس آفسیر سیدخالد محمودہمدانی نے راولپنڈی کرکٹ سٹیڈیم کا دورہ کیا،سی پی او نے پوائنٹ وائزڈیوٹی کو چیک کیا اور ہدایات دیں،ایس ایس پی آپریشنز کیپٹن (ر) محمد عامر خان نیازی اور دیگر افسران بھی ان کے ہمراہ تھے،سی پی اونے ذیابیطس کے مریض اے ایس آئی مختار علی کو بہترین ڈیوٹی پر" آفیسر آف دی ڈے "کا اعزاز اور تعریفی سرٹیفکیٹ سے نوازا۔سی پی او کا کہنا تھاکہ تمام افسران و جوان مستعد اور الرٹ رہیں۔ انہوں نے کہا کہ سینئرافسران ڈیوٹی پر مامور افسروں کو بار بار چیک کریں اور ڈیوٹی کے متعلق بریف کریں۔ سی پی اونے کہاکہ تماشائیوں کے انخلااور ٹیموں کی روانگی تک تمام افسران وجوان پوائنٹس پر موجود رہیں ۔ سٹیڈیم میں آنے والے شہریوں سے خوش اخلاقی سے پیش آئیں اور ان کو سہولیات فراہم کرنے کی کوشش کریں، سی پی اونے کہاکہ بہترین سیکورٹی انتظامات کے لیے ہم سب اپنا کردار اداکررہے ہیں اورسیکورٹی انتظامات کے ساتھ ٹریفک کی بلاتعطل روانی کو بھی یقینی بنایاجارہاہے۔
اسلام آباد سے مزید