مردان کا رہائشی کراچی سے ہیروئن سعودی عرب لے جاتے ہوئے گرفتار

کراچی( افضل ندیم ڈوگر) اینٹی نارکوٹکس فورس کے عملے نے کراچی کے جناح انٹر نیشنل ایئرپورٹ پر کارروائی کے دوران کراچی سے جدہ جانے کے لیے پہنچے مسافر کے سامان سے 4 کروڑ روپے سے زائد مالیت کی اعلی کوالٹی کی ہیروئن برآمد کرلی۔ مسافر اختر جہاں سیرین ایئر لائن کی پرواز ای آر ،812 سے جدہ جا ریا تھا۔ مسافر اختر خان نے اپنے ٹرالی بیگ میں ہیرائن مہارت سے چھپا رکھی تھی۔ ایئرپورٹ ذرائع کے مطابق مسافر کے سامان کی تلاشی کے دوران پونے 3 کلو گرام اعلی کوالٹی کی ہیروئن برآمد ہوئی۔ مسافر اختر جہان کا تعلق کے پی کے کے ضلع مردان سے ہے مسافر کو منشیات سمیت حراست میں لے کر تفتیش کا آغاز کر دیا گیا ہے۔