داؤد یونیورسٹی کی ’ایش پلاسٹک‘ ٹیکنالوجی دفاعی صنعت کی توجہ کا مرکز

آج کا اخبار

شہر قائد/ شہر کی آواز

28 ستمبر ، 2026

کراچی (اسٹاف رپورٹر) داؤد یونیورسٹی آف انجینئرنگ اینڈ ٹیکنالوجی کی مقامی طور پر تیار ماحول دوست ٹیکنالوجی ’’ایش پلاسٹک‘‘ نے دفاعی صنعت کی توجہ حاصل کرلی، داؤد سنز آرمری کے مالک نورالدین داؤد نے ٹیکنالوجی کے پہلے ممکنہ خریدار کی حیثیت سے داؤد یونیورسٹی کا دورہ کیا۔ ایش پلاسٹک ایک جدید مرکب مواد ہے جو کوئلے سے بجلی پیدا کرنے والے پلانٹس کی راکھ (Bottom Ash) اور ضائع شدہ پلاسٹک سے تیار کیا گیا ہے۔ اس ٹیکنالوجی کا مقصد صنعتی فضلے کو کارآمد، پائیدار، ہلکے وزن اور کم لاگت والے مرکب مواد میں تبدیل کرنا ہے۔ دورے کے دوران نورالدین داؤد نے داؤد یونیورسٹی کی وائس چانسلر انجینئر پروفیسر ڈاکٹر ثمرین حسین (ستارہ امتیاز، تمغہ امتیاز) سے ملاقات کی، جبکہ ڈاکٹر عبد الفتح سومرو، ڈاکٹر راشد مصطفیٰ کورائی اور ڈاکٹر عبدالرؤف کے ساتھ ٹیکنالوجی کے مختلف فنی پہلوؤں پر تفصیلی تبادلہ خیال کیا۔ داؤد سنز آرمری کے مالک نے یونیورسٹی کی مختلف لیبارٹریز اور سہولتوں کا بھی معائنہ کیا اور ایش پلاسٹک ٹیکنالوجی میں گہری دلچسپی کا اظہار کیا۔

شہر قائد/ شہر کی آواز سے مزید