فرمان الہی
نماز کے اوقات
کراچی (اسٹاف رپورٹر) نیوزی لینڈ کے خلاف ہوم سیریز کی تیاریوں کیلئے پاکستانی کرکٹ ٹیم کا تربیتی کیمپ جمعے سے قذافی اسٹیڈیم لاہور میں شروع ہورہا ہے ۔ دس اپریل کو کھلاڑی انٹرا اسکواڈ میچ کھیلیں گے۔ عبداللہ شفیق اور فہیم اشرف سات اپریل اور فخر زمان دس اپریل کو کیمپ میں رپورٹ کریں گے۔ کوچ عبدالرحمن کیمپ کی نگرانی اور عمر گل ان کی معاونت کریں گے۔ افغانستان کے خلاف ٹی ٹوئنٹی سیریز میں پاکستان کی کوچنگ کرنے والے عبدالرحمن ، گرانٹ بریڈ برن سیریز میں معاونت کریں گے ۔ نیوزی لینڈ کے خلاف سیریز میں عمر گل کے بولنگ کوچ کی ذمے داریاں نبھانے کا امکان ہے۔ فیلڈنگ کوچ عبدالمجید ہوں گے۔
