فرمان الہی
نماز کے اوقات
کراچی (اسٹاف رپورٹر) نیوزی لینڈ کرکٹ ٹیم کا ٹی ٹوئنٹی اسکواڈ اتوار کو آکلینڈ سے دورہ پاکستان کے لیے روانہ ہوگیا۔ ٹیم منگل کو علی الصبح لاہور پہنچے گی۔ دریں اثنا آئی جی اسلام آباد اکبر ناصر خان نے کہا ہے کہ مہمان ٹیم کو پاکستان میں فول پروف ورلڈ کلاس سیکیورٹی دینگے ۔اسلام آباد پولیس نیوزی لینڈ کرکٹ ٹیم کو سیکیورٹی فراہم کرنے کے لیے ہر طرح سے لیس اور تیار ہے۔تمام اسٹیک ہولڈرز کے ساتھ مل کر راولپنڈی اور اسلام آباد میں سیکیورٹی فراہم کی جائے گی۔ قبل ازیں اسلام آباد پولیس نے گزشتہ روز وزارتِ داخلہ سے وسائل کی فراہمی کا مطالبہ کیا تھا۔ پہلاٹی ٹوئنٹی انٹر نیشنل جمعے کو قذافی اسٹیڈیم میں کھیلا جائے گا۔نیوزی لینڈ ٹیم دورہ پاکستان میں پانچ ٹی ٹوئنٹی میچز کی سیریز کھیلےگی۔
