• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈالر لیکویڈیٹی بحران سے چینی آئی پی پیز کی مالی مشکلات میں کئی گنا اضافہ

آج کا اخبار
اہم خبریں
11 اپریل ، 2023
اسلام آباد(مہتاب حیدر)پاکستان کو درپیش ڈالر لیکویڈیٹی بحران نے چینی آئی پی پیز کی مالی مشکلات میں کئی گنا اضافہ کردیا ہے کیونکہ حکومت مطلوبہ حد تک بجلی پیدا کرنے میں ناکامی کی وجہ سے کیپیسٹی چارجز میں کٹوتی کررہی ہے، آئی پی پیز کے پاس اسکے علاوہ کوئی چارہ نہیں بچا ہے کہ وہ حکومت کی جانب سے صلاحیت کی ادائیگی میں کٹوتی پر زبردستی پابندی عائد کریں تاکہ انہیں ایک غلطی پر سزا دی جا سکے جو انہوں نے کی نہیں ا نہوں نے ایک اجلاس میں دلیل دی کہ درآمد شدہ کوئلہ یا ایندھن انکے پاور پلانٹس کو چلانے کیلئے لایا گیا تھا لیکن حکومت لیکویڈیٹی بحران کی وجہ سے معاہدہ کے تحت ڈالر فراہم نہیں کر رہی ہے، ذرائع کا کہنا ہے کہ ایسی صورتحال میں چینی آئی پی پیز کو گنجائش کی ادائیگی کے چارجز میں کٹوتی کا سامنا کرنا پڑ سکتا ہے انہوں نے موقف اختیار کیا کہ اس طرح کی مشکلات پیدا ہونے کے بعد بیوروکریٹس نے غیر ملکی آئی پی پیز کے جائز اور جائز مطالبات کو قبول کرنے میں ہچکچاہٹ کا مظاہرہ کیا ، آئی پی پیز نے گردشی قرضوں کے بڑھتے ہوئے عفریت کا معاملہ بھی اٹھایا جو اب بڑھ کر 330 سے 350 ارب روپے تک پہنچ گیا ہے ذرائع کا کہنا ہے کہ گنجائش کی ادائیگی میں کٹوتی اور گردشی قرضوں میں اضافے کی وجہ سے اس طرح کی دو دھاری تلوار نے انکے کاروباری ماڈل کو خطرے میں ڈال دیا وزارت منصوبہ بندی کی جانب سے جاری اعلامیہ میں کہا گیا ہے کہ وزیر منصوبہ بندی پروفیسر احسن اقبال کے دورہ چین اور چین کے نیشنل ڈویلپمنٹ اینڈ ریفارم کمیشن کے وائس چیئرمین لی چنلن سے بدھ 5 اپریل کو بیجنگ میں ملاقات کے بعد سی پیک کے اہم منصوبوں اور 11 ویں جے سی سی اجلاس کے منٹس پر تبادلہ خیال کیلئے پیشرفت کا جائزہ لیا گیا۔
اہم خبریں سے مزید