• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صدر مملکت اور چیئرمین سینیٹ کی مستونگ میں دہشت گردوں کے سکیورٹی فورسز پر حملے کی مذمت

آج کا اخبار
اہم خبریں
08 اگست ، 2025
اسلام آباد (نمائندہ خصوصی)صدرمملکت آصف علی زرداری اور چیئرمین سینیٹ یوسف رضا گیلانی نے ضلع مستونگ میں فتنۃ الہندوستان کے دہشتگردوں کے سکیورٹی فورسز پر حملے کی شدید مذمت کی اور کہا کہ قوم اپنے بہادر شہدا کی عظیم قربانیوں کو سلام پیش کرتی ہے۔ ایوان صدر کے پریس ونگ سے جاری بیان میں صدرِ مملکت نے حملے میں شہید ہونے والے میجر محمد رضوان طاہر، نائیک ابنِ امین اور لانس نائیک محمد یونس کو خراجِ عقیدت پیش کیا، انہوں نے شہدا کے لیے بلندیٔ درجات کی دعا اور اہلِ خانہ سے اظہارِ تعزیت کیا۔صدر نے کہا کہ قوم اپنے بہادر شہدا کی عظیم قربانیوں کو سلام پیش کرتی ہے، انہوں ے جوابی حملے میں دہشتگردوں کو جہنم واصل کرنے پر سکیورٹی فورسز کی بہادری کو سراہا، انہوں نے کہا کہ دہشتگردی کے خلاف جنگ میں پوری قوم اپنی سکیورٹی فورسز کے شانہ بشانہ کھڑی ہے،بھارت کی سرپرستی میں سرگرم دہشت گرد عناصر کا جلد قلع قمع کیا جائے گا۔
اہم خبریں سے مزید