• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور، بچے سمیت 2افراد قتل، خاتون گاڑی کی ٹکرسے جاں بحق

میرا شہر
پشاور
22 اپریل ، 2023
پشاور(کرائم رپورٹر) پشاور میں مختلف واقعات کے دوران 12سالہ بچے اور خاتون سمیت تین افراد جاںبحق ہو گئے ۔ایوب ولد زرو جان سکنہ نوتھیہ حال بدھو ثمر باغ نے تھانہ شاہ پور پولیس کو بتایاکہ گزشتہ روز اس کا بھائی عبداللہ خان گھر آرہاتھا کہ راستے میں خیال خان سکنہ الحارث ٹاؤن نے اپنے بیٹے کی مدد سے اسے فائرنگ کرکے قتل کردیا اور فرا ر ہوگئے مدعی کے مطابق مقتول کی دو سال قبل ملزم خیال کی بیٹی کے ساتھ منگنی ہوئی تھی جس پر وہ ناراض تھا پولیس نے ملزمان کے خلاف مقدمہ درج کر لیا ادھر رحمت ولد اول خان سکنہ بدھو ثمر باغ نے تھانہ شاہ پورپولیس کو بتایاکہ گزشتہ روز فواد ٗیاسر اور شاکر پسران چاند گل اور محب اللہ ایک دوسرے پر فائرنگ کررہے تھے جس کی زد میں آکر اس کا بارہ سالہ بیٹا مبشر جاں بحق اور دوسراراہ گیر کامران ولد غلام حسین زخمی ہو گیا۔ ملزمان واردات کے بعد فرار ہو گئے جبکہ تھانہ تہکال کی حدود اتوزئی چوک میں تیزرفتار موٹرکار نے سڑک عبور کرنے والی معمر خاتون مسماۃ زر بی بی کو کچل کر ہلاک کردیا پولیس نے ڈرائیور نثار ولد عبداللہ سکنہ پلوسی کے خلاف مقدمہ درج کرلیا۔
پشاور سے مزید