فرمان الہی
نماز کے اوقات
کراچی ( اسٹاف رپورٹر) وزیر اطلاعات وٹرانسپورٹ شرجیل انعام میمن نے کہاہےکہ عمران خان کے انٹرویوز ان کے اپنے خلاف چارج شیٹ ثابت ہو رہے ہیں ،عمران خان پوری قوم کو بے وقوف بنا رہے ہیں ،ان کا کہنا کہ دو صوبوں میں حکومت جنرل (ر) باجوہ کے حکم پر ختم کیں ،اس سے ثابت ہوتا ہے کہ اس شخص کی سیاست 100 فی صد جھوٹ پر مبنی ہے ، ایک بیان میں شرجیل انعام میمن نے کہا کہ عمران خان نے دو صوبوں میں اپنی حکومت ختم کرنے سے پہلے جنرل (ر) باجوہ کے خلاف گھناؤنی مہم شروع کر دی تھی ،ان کو ذمہ وار ٹھرا رہے تھے تو جنرل (ر) باجوہ کے مشورے پر پنجاب اور کے پی کے کی حکومتیں کیوں ختم کیں ۔انہوں نے کہاکہ ان ساری باتوں سے ظاہر ہوتا ہے کہ عمران خان پوری قوم کو بے وقوف بنا رہے ہیں ،اس شخص کی کسی بات پر اعتبار نہیں کیا جا سکتا۔ شرجیل انعام میمن نے کہاکہ یہ شخص ذہنی مریض بن چکا ہے ، عمران خان کا مقصد صرف پاکستان سے دشمنی ہے ،انہوں نے کہا کہ عمران خان کے پیروکار آنکھیں کھولیں اور اس جھوٹے شخص سے جان چھڑائیں۔
