فرمان الہی
نماز کے اوقات
کراچی (اسٹاف رپورٹر) پاکستان انڈر 19 کے خلاف واحد چار روزہ میچ کے تیسرے دن کھیل کے اختتام پر بنگلہ دیش انڈر 19 ٹیم105 رنز کا خسارہ میں تھی،اس کی سات وکٹیں باقی ہیں۔ منگل کو چٹوگرام میں271 رنز کے خسارے پر اپنی دوسری اننگز کا آغاز کرتے ہوئےبنگلہ دیش کے مظاہر الاسلام صفر پرآؤٹ ہو گئے ۔ عادل بن صدیق 26 رنز بنا کر وہاج ریاض کا شکار ہو گئے ۔ عاشق الرحمان شبلی نے 79 رنز بنائے، جس میں 11 چوکے اور دو چھکے شامل تھے۔ دن کے اختتام پر اسکور 70 اوورز میں تین وکٹ 166 رنز تھا۔ اس سے قبل، سات وکٹوں پر 364 کے اسکور پر اپنی پہلی اننگز دوبارہ شروع کرتے ہوئے، پاکستان ٹیم 420 رنز بنا کر آؤٹ ہوگئی۔ عبید شاہد نے آٹھ چوکوں کی مدد سے 67 ، علی اسفند ن 40 رنز بنائے ۔بنگلہ دیش کے وصی صدیقی نے 86 رنز دے کر پانچ اور اقبال حسین ایمن نے 81 رنز دے کر چار وکٹیں حاصل کیں۔
