• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غیر متعلقہ شخص کو امتحانی مراکز کے ارد گرد داخلے کی اجازت نہ دی جائے، ڈپٹی کمشنر پشاور

میرا شہر
پشاور
06 مئی ، 2023
پشاور ( لیڈی رپورٹر)ڈپٹی کمشنر پشاورشاہ فہد کی ہدایت پر انتظامی افسران نے پشاور کے مختلف علاقو ںجاری میٹرک امتحانات کے دوران امتحانی مراکز کے دورے کیے۔ انھوں نے تمام امتحانی ہالز میں طلباء و طالبات اور ڈیوٹی اساتذہ کرام سے تعاون اور پر امن امتحان کے انعقاد پر بات کی۔ انھوں نے اساتذہ اور سٹاف کو نقل کی بیخ کنی اور حوصلہ شکنی کی ترغیب دی۔ انتظامی افسران نے موقع پر تعینات پولیس اور سٹاف کو سختی سے ہدایت کی کہ کسی بھی غیر متعلقہ شخص کو امتحانی مراکز کے ارد گرد داخلے کی اجازت نہ دیں۔ڈپٹی کمشنر پشاورشاہ فہد نے پشاور میں امتحانی مراکز کے قریب غیر متعلقہ افراد کی موجودگی، پاکٹ گائیڈز اور نقل میں استعمال ہونے والے مواد وغیر ہ پر دفعہ 144 کے تحت پابندی عائد کی ہوئی ہے۔انھوں نے کہا ہے کہ طلباء ملک کے معمار ہوتے ہیں۔ نقل کی وجہ سے لائق اور ذہین طلباء پیچھے رہ جا تے ہیں اس لیے ہمیں نقل کی حوصلہ شکنی کر نی چاہیے تاکہ ذہین اور قا بل طلباء کو آگے آنے کا موقع ملے اور ملک اور معاشرہ ترقی کر سکے۔
پشاور سے مزید