فرمان الہی
نماز کے اوقات
کراچی(اسٹاف رپورٹر) جونیئر ایشیاء کپ میں شرکت کیلئے جونیئر ہاکی ٹیم عمان کے شہر صلالہ پہنچ ہوگئی۔ ٹیم کی قیادت محمد عبد اللہ کررہے ہیں، دیگر کھلاڑیوں میں علی رضا، محمد فیضان جنجوعہ، عقیل احمد، ارباز احمد، احتشام اسلم، محمد سفیان خان، ارباز ایاز، محمد مرتضی یعقوب، ارشد لیاقت، علی مرتضی، ذکریا حیات، عبدالرحمان، عبدالقیوم ڈوگر، عبدالحنان شاہد (وائس کپتان)، عبدالوہاب، بشارت علی، بلال اکرم شامل ہیں۔ ٹیم عمان اور کوریا کے خلاف پریکٹس میچز کھیلے گی۔ روانگی سے قبل ٹیم منیجر حنیف خان نے کہا کہ ٹیم اچھی کار کردگی کا مظاہرہ کرے گی۔ٹورنامنٹ 23 مئی سے یکم جون کھیلا جائے گا۔ پول اے میں پاکستان، بھارت، جاپان، تھائی لینڈ، چائینیزتائی پے شامل ہیں۔ پاکستان اپنا پہلا میچ 23 مئی کو چائینیز تائی پے ، دوسرا 24 مئی کو تھائی لینڈ، تیسرا میچ 27 مئی کو بھارت جبکہ 29 مئی کو جاپان سے کھیلے گا۔
