• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران چشتی انٹر بورڈ میں سیکریٹری اور ظہیر الدین بھٹو کنٹرولر مقرر

آج کا اخبار
اہم خبریں
20 مئی ، 2023
کراچی( اسٹاف رپورٹر ) 19 گریڈ کے افسر عمران چشتی کو اعلی ثانوی تعلیمی بورڈ کراچی کا سیکریٹری اور لاڑکانہ بورڈ کے ڈپٹی کنٹرولر ظہیر الدین بھٹو کو قائم مقام ناظم امتحانات مقرر کردیا گیا ہے جس کا باقاعدہ نوٹیفکیشن جاری کردیا گیا ہے۔ سیکریٹری کی آسامی طویل عرصے سے خالی تھی، عمران چشتی اس سے قبل بورڈ کے سابق چئیرمین انوار احمد زئی کی دور میں بھی ناظم امتحانات کی زمہ داری بھی ادا کرچکے ہیں جب کہظہر الدین بھٹو اس سے قبل ثانوی تعلیمی بورڈ میں بھی قائم مقام ناظم امتحانات رہ چکے ہیں ادہر معلوم ہوا کہ سیکریٹری بورڈ مرید راہموں کو بھی تبدیل کیا جارہا ہے انھیں گزشتہ برس جنوری میں سندھ کے طاقت ور بیوروکریٹ کی سفارش پر اسلام آباد سے سیکریٹری بورڈ اینڈ یونیورسٹیز مقرر کیا گیا تھا تاہم اس دوران تین بار ان کے تبادلے کے کوشش کی مگر کراچی کی اہم سیاسی شخصیت کی مخالفت کے باعث ان کا تبادلہ رک جاتا تھا لیکن اب اس اہم سیاسی شخصیت نے مرید راہموں کے تبادلے پر اتفاق کرلیا ہے۔
اہم خبریں سے مزید