ایڈوکیٹ جبران ناصر کو رات گئے نامعلوم افراد اپنے ہمراہ لے گئے

کراچی( اسٹاف رپورٹر )ایڈوکیٹ جبران ناصر کو رات گئے نامعلوم افراد اپنے ہمراہ لے گئے۔جبران ناصر کی اہلیہ منشا پاشا نے اپنے ویڈیو پیغام میں بتایا ہے کہ ہم اپنی گاڑی پر ڈنر سے واپس آ رہے تھے کہ سفید رنگ کی ویگو گاڑی نے ہمیں کراس کر کے روکا ،دس سے پندرہ افراد جن کے پاس اسلحہ تھا انہوں نے میرے شوہر جبران ناصر کو گاڑی سے نکالا ،وہ مسلح لوگ میرے شوہر کو اپنے ساتھ لے گئے ،پولیس کا کہنا ہے کہ واقعہ کے حوالے سے علم نہیں ہے اس حوالے سے معلومات کی جا رہی ہیں۔ہیومین رائٹس کمیشن آف پاکستان (ایچ آر سی پی) نے مسلح افراد کی جانب سے وکیل اور انسانی حقوق کے سرگرم کارکن جبران ناصر کے مبینہ اغوا پر تشویش کا اظہار کیا ہے، ایچ آر سی پی نے مطالبہ کیا کہ جبران ناصر کو فی الفور اور بحفاظت بازیاب کروایا جائے اور اغوا کاروں کا قانون کے مطابق احتساب کیا جائے۔