• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شاہ محمود سے ملاقات کا نتیجہ 2 دن میں سامنے آجائیگا‘ محمود مولوی

آج کا اخبار
اہم خبریں
03 جون ، 2023
کراچی(این این آئی)تحریک انصاف کے سابق رہنمامحمود مولوی نے شاہ محمود سے متعلق فواد چوہدری کے دعوے کی نفی کرتے ہوئے کہاہے کہ اندرکوئی ایسی بات نہیں ہوئی تھی جو فواد چوہدری نے باہرکی‘ شاہ محمودسے پارٹی چھوڑنے سے متعلق کوئی بات نہیں ہوئی‘شاہ محمودسے جیل میں ملاقات خوش آئند تھی، نتیجہ دو دن میں سامنے آجائے گا‘موجودہ حالات میں عمران خان کہیں نظرنہیں آ رہے ۔ایک انٹرویو میں انہوں نے کہاکہ عام انتخابات اکتوبر میں ہوتے نظر آرہے ہیں۔9مئی کے بعد صورتِ حال بدل گئی، اس وقت تحریک انصاف کا سائیڈ میں ہونا مسئلے کا حل نہیں۔نئی سیاسی جماعت میں شمولیت سے متعلق سوال پر منحرف رکن پی ٹی آئی نے کہاکہ دو تین روز میں چیزیں واضح ہوجائیں گی‘مشاورت جاری ہے ‘ پی ٹی آئی کی خالی جگہ پرکوئی نہ کوئی پارٹی توآئے گی‘ جہانگیرترین سے میری کوئی بات نہیں ہوئی ہے‘ میراسیاست میں آنے یا الیکشن لڑنے کا کوئی پروگرام نہیں ۔
اہم خبریں سے مزید