فرمان الہی
نماز کے اوقات
کراچی(اسٹاف رپورٹر) سابق قومی کر کٹ کپتان وسیم اکرم نے کہا ہے کہ پاکستان ورلڈکپ میں بہترین ٹیم ہے جس کی کپتانی موجودہ دور کے بہترین بیٹر بابر اعظم کریں گے، پاکستان کا ہر شہری بابر اعظم کو فالو کرتا ہے، بابر کی کَور ڈرائیو سب سے زیادہ دلکش ہے۔بھارتی کرکٹ ٹیم کے سابق اوپنر وریندر سہواگ نے کہا ہے کہ دنیا میں ہر کوئی ورلڈکپ میں پاک بھارت میچ کا انتظار کر رہا ہے۔ ورلڈکپ میں پاکستان، بھارت، آسٹریلیا اور انگلینڈ میری سیمی فائنلسٹ ٹیمیں ہیں۔ پاکستان اور بھارت کے سیمی فائنل میں آنے سے فائنل سے پہلے فائنل ہوگا پاکستان اور بھارت سے بڑا کرکٹ میں اور کوئی میچ نہیں ہوسکتا، 15 اکتوبر کو پاک بھارت میچ کی ٹکٹیں 15 سیکنڈ میں فروخت ہوجائیں گی۔ سری لنکا کے اسپنر مرلی دھرن نے کہا کہ بھارت، پاکستان، آسٹریلیا اور انگلینڈ اس وقت بہترین کرکٹ کھیل رہے ہیں۔ ویرات کوہلی، بابر اعظم اور جو روٹ ورلڈکپ میں سب سے زیادہ رنز بنائیں گے۔ پاکستان اور بھارت کو فائنل میں کھیلتے دیکھنے کی خواہش ہے۔
