فرمان الہی
نماز کے اوقات
کراچی(اسٹاف رپورٹر) قائداعظم ٹرافی کرکٹ ٹورنامنٹ کے آٹھویں راؤنڈ کے پہلے دن کے کھیل میں بولرز چھائے رہے۔ مرغزار گراؤنڈ اسلام آباد میں فیصل آباد کی ٹیم پہلی اننگز میں 121 رنز بناکر آؤٹ ہوگئی۔ خالد عثمان نے 42 رنز دے کر7 وکٹیں حاصل کیں۔ جواب میں ایبٹ آباد بھی پہلی اننگز میں 123 پر ڈھیر ہوگئی۔ شاہ زیب خان نے53 رنز بنائے۔ علی اسفند نے31 رنز دے کر 5 اور سردارحسن رضا نے 4 وکٹیں لیں۔ فیصل آباد نے دوسری اننگز میں 2 وکٹوں پر 97 رنز بنائے تھے۔ فہام الحق 37 رنز پر ناٹ آؤٹ ہیں۔ ڈائمنڈ کرکٹ گراؤنڈ اسلام آباد میں ہوم ٹیم 161 رنز بناکر آؤٹ ہوگئی۔ شامل حسین نے 85 رنز اسکور کیے۔ کاشف بھٹی نے 5 اور محمد اصغر نے 4 وکٹیں لیں ۔ کراچی بلوز نے 6 وکٹوں پر 294 رنز بنائے تھے۔ سعود شکیل 88 پر ناٹ آؤٹ ہیں۔ عبداللہ فضل نے73 رنزبنائے۔ راولپنڈی میں بہاولپور پہلی اننگز میں 140رنز پر آؤٹ ہوگئی۔ نعمان علی نے 4 اور عامر جمال نے3 وکٹیں حاصل کیں۔ لاہور وائٹس نے کھیل ختم ہونے پر پہلی اننگز میں 7 وکٹوں پر 132 رنز بنائے تھے۔ حسین طلعت نے 58 رنز اسکور کیے۔ عمران خان اسٹیڈیم پشاور میں میزبان ٹیم پہلی اننگز میں 239 رنز بناکر آؤٹ ہوگئی۔ عباس علی 116 ، ساجد خان نے60 رنز بنائے۔ علی عثمان نے79 رنز دے کر 5 شکار کیے۔ ملتان نے کھیل ختم ہونے پر پہلی اننگز میں 5 وکٹوں پر 27 رنز بنائے تھے۔ ایبٹ آباد میں فاٹا کی ٹیم 110 رنز بناکر آؤٹ ہوگئی۔ اسامہ میر نے 4 وکٹیں حاصل کیں۔ سیالکوٹ کی ٹیم بھی پہلی اننگز میں186 رنز بناکر آؤٹ ہوگئی۔ آصف آفریدی نے 48 رنز دے کر 5 وکٹیں لیں۔
