• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنڈی کرکٹ سٹیڈیم سے فلڈ لائٹس پول کی قیمتی چوکیں چوری

میرا شہر
اسلام آباد
17 جولائی ، 2023
راولپنڈی (سٹاف رپورٹر) پنڈی کرکٹ سٹیڈیم سے فلڈلائٹس پول کی قیمتی چوکیں چوری کرلی گئیں ،ڈیوٹی پرموجود سیکورٹی گارڈزنے ایک خاتون کوگرفتارکرلیاجب کہ دوخواتیں فرارہوگئیں ، تھانہ نیوٹاؤن کو محمدبنارس سیکورٹی سپروائزر پنڈی کرکٹ سٹیڈیم نے بتایا کہ 3خواتین ایک رکشہ میں فوڈ سٹریٹ آؤٹ گیٹ سے اترکر فوڈ سٹریٹ گیٹ کے اندر آئیں اوروہاں پر پاکستان کرکٹ بورڈ کے الیکٹرک پول کے ساتھ لگے ہوئے بکس کاتالا کھول کر ایک خاتون بکس کے اندرچلی گئی ،جب کہ باقی دونوں نے دائیں بائیں سے آنے والوں پرنظر رکھی اورباہرسے الیکٹرک پول کے بکس کودوبارہ تالالگادیا،بیس پچیس منٹ کے بعد دوسری خاتون بھی تالاکھول کر بکس کے اندرچلی گئی ،اورتیسری خاتون نے دوبارہ باہرسے بکس کوتالا لگادیا،انہوں نے بکس کے اندرموجود لائٹس کی چوکوں کوکاٹا اسی دوران پی سی بی کے گارڈ وحیدنے چیک کیاتواس وقت دوخواتین بکس کے قریب باہرکھڑی تھیں ،گارڈ کے پوچھنے پر خواتین نے بتایاکہ آپ اندرپڑی ہوئی خالی پانی کی بوتلیں اورکچراہمیں دے دیں ،گارڈ نے انکارکیا کہ ہمیں اجازت نہیں ،،گارڈ وحیداحمدمین گیٹ کی طرف چکرلگانے گیاتوکنٹرول روم میں لگے کیمروں سے دیکھاتوخواتین اندرسے 2000واٹ کی 32چوکیں مالیتی 12لاکھ 80ہزارروپے لے گئی ہیں ،جب کہ موقع سے دوچوکیں پکڑی گئی ہیں جن کہ ایک لوہا کاٹنے والی آری بھی برآمد ہوئی ہے ،موقع پر گارڈ وحید اورگارڈطارق خان نے ایک خاتون کو پکڑلیا جب کہ 2خواتین بھاگ گئیں ۔
اسلام آباد سے مزید