فرمان الہی
نماز کے اوقات
کراچی ( اسٹاف رپورٹر) پاکستان کرکٹ بورڈ (پی سی بی) کی کرکٹ کمیٹی کے حوالے سے مشاورتی اجلاس ہوا، جس میں ڈومیسٹک کرکٹ اسٹرکچر پر بات ہوئی۔ اجلاس میں ڈپارٹمنٹل کرکٹ کی بحالی ڈومیسٹک کرکٹ شیڈول اور پاتھ وے پروگرامز، ڈومیسٹک کرکٹ کے شیڈول ریجنز اور ڈپارٹمنٹل ٹیموں پر تفصیلی تبادلہ خیال کیا گیا۔ ذرائع کا کہنا ہے کہ مشاورتی عمل آئندہ ہفتے بھی جاری رہے گا، کرکٹ کمیٹی کے اراکین قومی سلیکشن کمیٹی اور کوچز کے حوالے سے آئندہ ہفتے اجلاس ہو گا، آئندہ ہفتے ہونے والے اجلاسوں میں ان معاملات کو حتمی شکل دی جائے گی۔ ذرائع کے مطابق مشاورتی اجلاس میں کرکٹ کمیٹی کے سربراہ مصباح الحق کے علاوہ سابق کرکٹرز راشد لطیف، انضمام الحق اور محمد حفیظ نے بھی شرکت کی۔ انضمام الحق اور محمد حفیظ نے اجلاس میں ورچوئل شریک ہوئے۔ مصباح الحق مشاورتی عمل مکمل ہونے کے بعد تجاویز چیئرمین مینجمنٹ کمیٹی ذکاء اشرف کو پیش کریں گے، جو تمام معاملات کے حوالے سے اعلان کریں گے۔
