• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

PTI چیئرمین کہتے تھے وہ فوج کیخلاف انقلاب لانا چاہتے ہیں، پرویز خٹک

آج کا اخبار
اہم خبریں
20 اگست ، 2023
پشاور (این این آئی) پی ٹی آئی پارلیمنٹرینز کے سربراہ پرویز خٹک نے کہا ہے کہ PTIچیئرمین کہتے تھے وہ فوج کیخلاف انقلاب لانا چاہتے ہیں، میرے ساتھ اس وقت 35سے 40الیکٹ ایبلز ہیں، چیئرمین پی ٹی آئی کو انتخابات میں لگ پتا جائے گا۔پرویز خٹک نے اپنے بیان میں کہا کہ الیکٹ ایبلز کے علاوہ اور بھی لوگ رابطے میں ہیں، میں نے کئی شمولیتیں روکی ہوئی ہیں۔پی ٹی آئی پارلیمنٹیرینز کے سربراہ نے کہا کہ الیکٹ ایبلز کے اپنے ووٹ ہوتے ہیں۔انہوں نے کہاکہ فروری میں الیکشن ہر حالت میں ہو جانے چاہئیں، معاملہ عدالتوں میں گیا تو انتخابات فروری سے بھی آگے جا سکتے ہیں۔پرویز خٹک نے کہا کہ چیئرمین پی ٹی آئی اسلام آباد میں بیٹھ کر پورے ملک کو چلانا چاہتے تھے، وہ کہتے تھے کہ وہ فوج کے خلاف انقلاب لانا چاہتے ہیں۔
اہم خبریں سے مزید