فرمان الہی
نماز کے اوقات
کراچی (اسٹاف رپورٹر) انٹرنیشنل کرکٹ کونسل نے ون ڈے ورلڈ کپ میں امپائرز اور ریفریز کی تقرری کا اعلان کردیا۔ پاکستان کے احسن رضا ورلڈ کپ کے 12 میچز میں میچ آفیشلز کی ٹیم کا حصہ ہوں گے۔ 6 اکتوبر کو پاکستان اور نیدرلینڈز کے میچ میں جیف کرو میچ ریفری ، کرس براؤن ایڈرائن ہولڈ اسٹاک فیلڈ امپائر اور روڈ ٹکر ٹی وی امپائرہونگے ۔ دس اکتوبر کو پاکستان اور سری لنکا کے میچ میں اینڈریو پائیکرافٹ میچ ریفری، کرس گفانے اور ایلیکس وارف فیلڈ امپائر ہوں گے۔ 14 اکتوبر کو پاک بھارت میں اینڈریو پائیکرافٹ میچ ریفری جبکہ رچرڈ النگ ورتھ اور مارس اراسمس فیلڈ اور رچرڈ کیٹلبراٹی وی امپائر ہوں گے۔ پاکستان، آسٹریلیا گروپ میچ میں رچی رچرڈسن ریفری، رچرڈ النگورتھ اور کرس براؤن فیلڈ امپائر ہوں گے ۔ پال رائفل، روڈ ٹکر اور کرس گفانے پاک افغانستان میچ کے آفیشلز کی ٹیم میں شامل ہیں۔ پاکستان اور بنگلا دیش کے میچ میں نتن مینن اور رچرڈ کیٹلبرا فیلڈ امپائر، اینڈریو پائیکرافٹ ریفری ہوں گے۔ پاکستان اور انگلینڈ کے میچ میں بھارت کے جواگل سری ناتھ میچ ریفری جب کہ پال ولسن اور روڈ ٹکر میچ ریفری ہوں گے۔
