فرمان الہی
نماز کے اوقات
کراچی/ ( اسٹاف ر پو ر ٹر )الخدمت کے تحت شہر بھر میں ڈینگی اور ملیریا سے بچاؤ کیلئے اسپرے مہم کاآغاز کردیا گیاہے، امیرجماعت اسلامی کراچی وصدر الخدمت کراچی حافظ نعیم الرحمٰن نے الخدمت ہیڈآفس نیو ایم اے جناح روڈ پر افتتاح کیا۔ اس موقع پر ایگزیکٹیو ڈائریکٹر راشد قریشی،الخدمت کمیونٹی سروسز کے ڈائریکٹر قاضی صدر الدین، سکریٹری اطلاعات زاہد عسکری،ڈائریکٹر میڈیا سلمان شیخ و دیگر بھی موجود تھے۔ امیرجماعت اسلامی وصدر الخدمت کراچی حافظ نعیم الرحمٰن نے میڈیا کے نمائندوں سے گفتگو کرتے ہوئے کہاکہ ڈینگی اور ملیریا سے بچاؤ کیلئے 10روزہ اسپرے مہم شہر کے تمام ٹاؤنز میں شروع کی جارہی ہے،اس دوران شہر کی تمام یوسیز میں بلاتفریق رنگ و نسل اسپرے کیا جائے گا، انہوں نے کہا کہ شہر میں صفائی ستھرائی کے ناقص انتظامات،جگہ جگہ گندگی کے ڈھیر اور پانی جمع ہونے کے باعث مچھروں کی بہتات اور ملیریا جیسی بیماریوں کا سامنا ہے۔
