فرمان الہی
نماز کے اوقات
کراچی(اسٹاف رپورٹر )ہاکی کے میدان میں ہفتے کو بھارت کے خلاف پاکستان کی دو کے مقابلے میں دس گول کے بڑے مارجن سے ذلت آمیز شکست کسی بھی انٹرنیشنل میچ میں یہ پاکستان کی بھارت کے ہاتھوں یہ سب سے بڑی ناکامی ہے۔ تفصیلات کے مطابق 19ویں ایشین گیمز میں پول میچز میں بھارت نے ہفتے کو پاکستان کو دو کے مقابلہ میں دس گول سے شکست دے کر سیمی فائنل کے لئے کوالیفائی کرلیا جبکہ پاکستان اور جاپان کے مابین سیمی فائنل تک رسائی کا فیصلہ کن میچ ابھی باقی ہے جوکہ 2اکتوبر کو کھیلا جائیگا۔ عالمی رینکنگ میں تیسرے نمبر پر موجود بھارتی ہاکی ٹیم نے بہتر کھیل کا مظاہرہ کرتے ہوئے عالمی رینکنگ میں 15ویں نمبر پر موجود پاکستان ہاکی ٹیم کو تگنی کا ناچ نچادیا،پاکستان کی جانب سے محمد سفیان خان اور رانا عبدالوحیدنے گول اسکور کئے۔ اس سے قبل1982 کے ایشین گیمز میں پاکستان کو دو کے مقابلے میں سات گول سے شکست کا سامنا کرنا پڑا تھا جبکہ2017میں ورلڈ ہاکی لیگ میں بھی اسی اسکور سے شکست ہوئی تھی۔
