• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قیمتی انسانی جانوں سے کھیلنے والے کسی رعایت کے مستحق نہیں‘ راجہ ناصر عباس

میرا شہر
اسلام آباد
01 اکتوبر ، 2023
اسلام آباد (خصوصی نمائندہ) چیئرمین مجلس وحدت مسلمین پاکستان علامہ راجہ ناصر عباس جعفری نے مستونگ میں عید میلاد النبیؐ کے جلوس اور ہنگو کی مسجد میں دہشت گردی کے واقعہ کی شدید مذمت کرتے ہوئے کہا ہے کہ قیمتی انسانی جانوں سے کھیلنے والے سفاک درندے کسی رعایت کے مستحق نہیں۔ بلوچستان‘ خیبر پختونخوا اور ملک کے دیگر حصوں میں موجود شدت پسند ملک دشمن عالمی طاقتوں کے سہولتکار ہیں۔ دہشت گردوں کی کمین گاہوں کا تدارک کئے بغیر ملک میں امن کی امید محض خام خیالی ہے۔ 12ربیع الاول کے دن سفاکانہ اور بے رحمانہ کارروائیاں اسلام اور ملک کیخلاف منظم سازش ہیں۔ انہوں نے کہا کہ بھارت‘ امریکہ اور اسرائیل جیسے اسلام دشمن ممالک سے خیر کی امید رکھنا خود کو دھوکہ دینے کے مترادف ہے۔ راجہ ناصر عباس نے لواحقین سے اظہار ہمدردی کرتے ہوئے کہا کہ پوری قوم شہداء کی بلندی درجات اور زخمیوں کی جلد صحت یابی کیلئے دعاگو ہے۔
اسلام آباد سے مزید