طب کے شعبے میں نوبل پرائز، کورونا ویکسین کی تحقیق کرنیوالے دو سائنسدان فاتح

اسٹاک ہوم (اے ایف پی) عالمی وبا کورونا کی ویکسین کی تیاری میں پیشرفت کرنے والے سائنس دانوں نے طب کا نوبل پرائز جیت لیا ہے۔ رپورٹ کے مطابق سویڈن کے دارالحکومت اسٹاک ہوم میں قائم رائل سویڈش اکیڈمی آف سائنس نے کاٹالن کریکو اور ڈریو ویزمین کو مشترکہ طور پر آٹھ لاکھ 23ہزار یورو کی انعامی رقم دینے کا اعلان کیا ۔دونوں سائنسدانوں کو 2023کا نوبل انعام فزیالوجی یا طب کے شعبے میں اُن کی خدمات کے صلے میں دیا گیا۔ دونوں نے عالمی وبا کورونا کے خلاف مدافعت پیدا کرنے کی ویکیسین بنانے کے لیے تحقیق کی تھی۔اس تحقیق نے کورونا ویکسین کی تیاری اور وبا کو روکنے میں اہم کردار ادا کیا تھا۔ ہنگری کی ساگان یونیورسٹی میں پروفیسر کاٹالن کریکو نے ڈریو ویزمین کے ساتھ مل کر فلاڈلفیا میں یونیورسٹی آف پنسلوانیا میں طبی تحقیق کی۔نوبل پرائز دینے والے پینل نے اپنے بیان میں کہا کہ ’دونوں سائنسدانوں کے غیرمعمولی کام کی بدولت ہمیں یہ سمجھنے میں مدد ملی کہ ایم آراین اے کیسے ہمارے مدافعتی نظام سے رابطے میں آتے ہیں۔ اس تحقیق نے جدید دور میں انسانی صحت کے لیے سب سے خطرناک ثابت ہونے والی وبا کے خلاف ویکسین کی تیاری کی راہیں کھولیں۔گزشتہ 10 سال کے دوران 2022 میں سویڈش ماہر حیاتیات سوانتے پابوکومعدوم ہومینز اور انسانی ارتقاء کے جینوم پر ان کی دریافتوں کے لیے،2021 میں امریکی جوڑی ڈیوڈ جولیس اور آرڈیم پیٹاپوٹین کو انسانی رسیپٹرز پر دریافتوں کے لیے جو درجہ حرارت اور چھونے کی ہماری صلاحیت کے لیے ذمہ دار ہیں۔